Dua karo ki ye paudha sada hara hi lage
udaasiyon mein bhi chehra khila khila hi lage .!
Woh saadgi na kare kuchh bhi toh ada hi lage
woh bhol-pan hai ki bebaaki bhi haya hi lage .!
Ye zaafraani pulovar usi ka hissa hai
koi jo doosra pahne toh doosra hi lage .!
Nahin hai mere muqaddar mein roshni na sahi
ye khidki kholo zara subh ki hawa hi lage .!
Ajeeb shakhs hai naaraz ho ke hansta hai
main chahta hoon khafa ho toh woh khafa hi lage .!
Haseen toh aur hain lekin koi kahan tujh sa
jo dil jalaaye bahut phir bhi dilruba hi lage .!
Hazaaron bhes mein firte hain raam aur raheem
koi zaroori nahin hai bhala bhala hi lage .!!