Mere Ghar Se Tere Dayaar Tak – Talat Farooq Nazm

Talat Farooq Poem : Mere Ghar Se Tere Dayaar Tak

Mere ghar se tere dayaar tak
ye musafaten rahin umar bhar
ki bahut taweel thay raaste
ki badi kathin thi raahguzar
mere humnafs mujhe bhool ja
mujhe chhod de mere humsafar
main hoon paa shikasta dareeda dil
mujhe saath lene ki zid na kar
na woh walwale na woh aarzoo
na ghum e tarb na ghum e mehn
mere housle toh buland thay
magar haadsaat thay dil shikan
woh nawazishen mere haal par
wo tashaffiyan ba-lab-e-sukhan
eeri maiy bhi saaqi buri na thi
maine jaam toda hai aadatan
yehi teergi-e-shab-e-alam
meri ghumgusar hai dosto
mujhe ab talaash-e-sahar nahi
mujhe ab naveed-e-sahar na do
gaye din ki maqtal-o-daar se
thi humein umeed-e-hayat-e-nau
nahin just-o-ju-e-baqa mujhe
so mujhe qaza ki khabar na do
ye toh qismaton ka tazad tha
ki naseeb apna bigad gaya
teri aankh tak mein nami na thi
mera dard jaan se guzar gaya
woh jo qehqahon ki talash mein
gham-e-do jahaan se guzar gaya
wo jo tha mujassam zindagi
wo hi shakhs chupke se mar gaya .!!

Talat Farooq

Tweet about this on Twitter
Twitter
Share on Facebook
Facebook
0
Share the Shayari...

Share your thoughts- Lets talk!

Loading Facebook Comments ...
Loading Disqus Comments ...

Leave a Comment